Publisert av: gaisi | 29/11/2011

Giellamátki Guovdageidnui – studeanttat muitalit

Bearjadaga 25.b.skápmamanus

Mii vulggiimet bussiin Moskaluovttas eret dii.08.30. Mii bissáneimmet vuosttaš Elvevollii, ja válddiimet Máreha. Das maŋŋil bissáneimmet Gárganii, gos mii válddiimet Hanna, Eva-Maria ja Svein. Vuoddji lei Terje, gii lei suohttas olbmái. Mis lei oanehis boddu Ivgubađas. Das maŋŋil mis lei biebmoboddu Gárasavvonis. Mátkkis muhtun studeanttat ođđe, ja earát hupme. Mii maid guldaleimmet cd;a sámi musihkain, maid oahpaheaddji osttii Ivgubađas.

Mii oliimet Guovdageidnui sullii dii.16.00. Vuosttaš mii bissáneimmet hotellii gos mii beasaimet lanjaide. Mii fertiimet doapmat Sámi allaskuvlii, gos mii deaivvaimet Ristina. Son lei min ofelaš allaskuvlas. Mii oaččuimet miellagiddevaš čájáhallama. Rektoras lei oanehis sierra čájáhallan minguin. Maŋŋil mii manaimet hotellii gos mii boradeimmet mállása. 

Mális maŋŋil mii leimmet buohkat váibasat, ja manaimet nohkkat.

                                   Buorre idja!  

 Lávvordaga 26.b.skápmamanus      

Mii deaivvadeimmet iđitbibmui dii.09.00, mii leimmet buohkat áiggálaččat. .

Dii.10.00 mii vulggiimet gávppiide ja juovla-márkanii. Juovla-márkanis sii vuvde eanemusat  duodji gálvvuid, nugo gápmagiid, gávttiid, niibbiid, čiŋaid, jna. Dalle mii gulaimet beaivválaš sámegiella ja geahčaleimmet maid hupmat, mii lei ávkkálaš hárjehallan.  

Dál mii leimmet nealgon ja mii manaimet “Pit Stop”, gos mii boradeimmet lunša.

***

Go leimmet boradan mii manaimet studeantavissui gos mii barggaimet iežamet prošeavttaiguin. Dat ledje ollu miellagiddevaš prošeaktat. Trygves lei vuosttaš prošeakta, mii lei luođi birra. Mii guldaleimmet máŋga earálágan luođit ovddamearka dihte New Yorka,  Pubba-garjjá, Rievssaha ja Irene luođi. Nubbi prošeakta lei mánáid-tv:a birra. Dat lei Rigmora prošeakta. Son muitalii ahte mánáid-tv lei 20 jagi boares ja čájehii muhton prográmma. Dasto Hanna vuorru son muittašii dološ áiggi, lestadiánalaš árbevirolaš lohkamiid Gáivuonas. Son lei sárgon hui fiinna govaid iežas mánnávuođas. De Gro bođii ja muitalii njuikehanvuoddagiid birra Moskaluovttas. Eva Maria lei maid muitalan vuoddagiid birra, muhto mat leat lohttejuvvon, boarrásit vuogi mielde.  May-Lis vuosehii Unjárgga gávtti, mas lea hirbma čáppa čuldejuvvon holbi. Čuoldinteknihkka dáhká ahte holbis lea geavli. Svein lei čállán ollu miellagiddevaš Johan Turi eallima ja girjji birra.

Go mii leimmet válmmas Terje doalvvui min hotellii gos mii boradeimmet fas. Maŋŋil mii deaivvadeimmet muhtun allaskuvlastudeanttaid geat lohke sámegiela seamma dásis. Ja de mii čohkkáimet báras olles eahket ja ija. Muhtumat eai muitte šat mii dáhpáhuvai.

Sotnabeaivi skábmamánu 27.b.

Mii boradeimmet iđitbiepmu ja de mii čáliimet min olggus hoteallas ja de vulggiimet Juhlsii. Regine Juhls muitalii su iežas eallima birra ja čájehii dálu birra. De mii manaimet ruoktot ja bisáneimmet ollu geardde govvet maŋimus beaivvášsuotnjariid dan jagis.

Advertisements

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s

Kategorier

%d bloggers like this: